Lunis 19 Avost 2013, h 21:00

Dal teritori une rispueste a la crisi

Incuintri cun Philippe Daverio

Philippe Daverio, par la decime volte, al incuintre il popul dai Colonos. Al è deventât par câs un apontament anuâl che, cence soluzion di continuitât, nus à insiorâts cun moments di riflession profonde, tignude sù di une capacitât critiche lucide cuintri dai stuarziments di un model sociâl e economic rivât zaromai suntune strade sierade e cun intuizions fuartis, buinis di creâ ipotesis di soluzions origjinâls e stradis di jessude mai sintudis. A son riflessions che a coventin ancjemò di plui cumò ch’al è deventât clâr che la crisi che nus strenç no je dome di setôr, ma struturâl e di une largjece/estension mai viodudis.

Program Avostanis 2013