Martars 01 Setembar 2009, h 20:30

Incuintri public cun Esther Mahlangu

Introduzion e coordenament par cure di Gianni Sirch, storic da l’art contemporanie

Esther Mahlangu e je cognossude in ambit internazionâl par une cualitât di piture che e cumbine l’astrazion gjeometriche cu lis formis tradizionâls da l’art Ndebele, il popul sudafrican di dulà che jê e salte fûr e che e je ambassadore ative tal mont. Ta la culture Ndebele il testemoni da lis arts tradizionâls (piture murâl, ricam cu lis perlutis, cerimoniis rituâls) al parten dal dut a lis feminis, che dentri di chest popul a àn une funzion cruciâl sedi tant che depositariis di cognossincis antighis sedi tant che prin baluart ta la difese da la identitât culturâl, che dilunc dai agns e je stade menaçade in maniere sistematiche da la opression coloniâl e in ete plui resint da lis politichis disgraciadis dal apartheid.

Simpri fedêl a une pratiche artesanâl che e domande une grande manualitât, fasint di mancul di cualsisei disen preparatori, Esther Mahlangu e interven ai Colonos cuntun dai siei nomenâts wall paintings, decorant une parêt sielzude ancje parcè che si adate miôr a lis carateristichis e usancis da la piture Ndebele.

Program Avostanis 2009