Sabide 12 Otubar 2024, h 09:00

Tierç Paradîs: l’ecuilibri jenfri nature e artifici

Presentazion da la Cittadellarte e da l’Academie Unidee
Incuintri cun Michelangelo Pistoletto
Al introdûs Federico Rossi

Subit daûr visite a la mostre “T3RZA TERRA, Michelangelo Pistoletto e Cittadellarte
a Villa Manin”

Progjet dedicât a lis scuelis

Cittadellarte e puarte in Friûl L’Art da la Demopraxia, dentri da la grande mostre “T3RZA TERRA”, Michelangelo Pistoletto e Cittadellarte a Vile Manin (e siere ai 31 di Dicembar), Il museo al devente agregadôr e esempli, mediant di un intens program di azions di coinvolziment cussient, metudis dentri, a vegnin fûr e si messedin cul teritori par creâ un cambiament cussient da la societât in clâf sostignibil. La Fondazion Pistoletto Cittadellarte e presente la propie storie di ativisim e di ricercje, la creazion da l’Academie Unidee, che mediant da l’art e il design e proferìs ideis e pratichis par trasformâ la societât e creâ un mont plui just.
“Il Tierç Paradîs al è la fusion jenfri il prin e il secont paradîs. Il prin al è chel che dulà i umans jerin dal dut integrâts cu la nature. Il secont al è il paradîs artificiâl, svilupât da l’intelegjence umane, fintramai a lis dimensions globâls rivadis vuê cu la sience e la tecnologjie. Il Tierç Paradîs al è il grant mît ch’al puarte ognidun a cjapâsi sù une responsabilitât personâl ta la vision globâl. Il tiermin paradîs al diven da l’antighe lenghe persiane e e ûl dî “zardin protet”. Nô o sin i zardinîrs ch’a àn di protezi chest planet e curâ la societât umane che lu vîf. Il simbul dal Tierç Paradîs, riconfigurazion dal segn matematic dal infinît al è dât dongje di trê cerclis consecutîfs. I doi cerclis difûr a rapresentin dutis lis diversitâts e lis antinomiis, e fra chestis nature a artifici. Chel centrâl al è la compenetrazion fra i cerclis contraris e al rapresente il grin gjeneratîf da la gnove umanitât.” (Michelangelo Pistoletto, 2003)

Program Avostanis 2024