Vinars 30 Zenâr 2015, h 20:30

Storie eretiche dal Friûl

Relazions di Angelo Floramo e Marco Maria Tosolini –
Documents audio e video
Introduzion e conclusion di Gianpaolo Gri

Vin brulé

Vie par la serade e cor une galarie curiose di teolics, pecjadôrs, poetis, musiciscj, teatrants, ma ancje comunitâts interiis, che ta la capacitât di bati stradis pôc racomandabilis o ta la semplice manifestazion da la lôr libertât, a àn professât une dimension marcade come eretiche di bande di chei che no ur smecave masse chê sorte di dimostrazion di alteritât.
Di une bande il musicolic Marco Maria Tosolini al tiessarà riflessions su l’eresie in forme di suns lant a cirî il “Diabulus in Musiche”, di chê altre Angelo Floramo al imbastirà sù un cuintripont dialetic dulà che storie, antropolgjie, musiche, leteradure si instrecin intun miscliç sclopetant cun intersezions improbabilis e sotlineaduris fassinosis. A Gianpaolo Gri, che di agns al scrusigne i sotstrâts etnografics e antropologjics da la nestre tiere, il compit di introduzi e di sierâ une serade fûr dal normâl e eretiche.

Program In File 2015