Sabide 12 Avost 2023, h 21:00

Sticeboris

Mix-serade di satire furlane

Une idee di Luca Domenicali e Gianfranco Napolitano
cu la colaborazion di Tommaso Pecile

Stiçadôrs Adriano Sabotto e Valdi Tessaro
Cun: I Scjantôrs – Napox e Sferaevvonde – Enrico Tonazzi e Sandro Comini – Felici ma Furlans – Daniel Samba “Badù” – Dodi e Monodi – Catine – Claudio Moretti – I Mataran – Teatro Ingenuo + Iuri e Neda Cainero

☔︎ event anulât

Une serade dissacrant intune edizion dedicade al sacri. Profane, justeapont, di pro fanum, a dî “fûr dal lûc sacri”, ambient ideâl da la satire. Une serade alore esilarant e plene di colps di sene, interessade a dineâ une volte par dutis l’innomine dal furlan sierât e muson.
E sarà la prime edizion di un varietât inedit che al contarà ridint l’evoluzion di parodiis, caracaduris e sbeleadis in Friûl. Une svolade slargjade ch’a decolarà cun contis estemporaniis tacant dal 1979, an ch’al jere nassût “L’Altro Friuli”, il prin periodic furlan di informazion satiriche, protagoniste di un sucès editoriâl clamorôs, passant par “Felici ma Furlans, operazion mediatiche sorprindint cetant partecipade, fintremai ai atualissims “Matarans”, bielzà vincidôrs al “Festival della satira” di Forte dei Marmi. Un incuintri a divertiment garantît, cun ospits impreviscj e improviodibii, comics e personagjos zaromai part dal mît furlan. Tantis lis sorpresis cun proiezions video, sketches, incursions di definizion dificil e moments musicâi ch’a jodaran protagoniscj cetancj dai artiscj plui amâts di chest ultin “scuasit mieç secul”.

Program Avostanis 2023