Miercus 18 Avost 2004, h

Soundscape (Musica dei luoghi)

Festival internazionâl – 19, 20 e 21 Avost
Direzion artistiche Renato Rinaldi

In colaborazion cun

Progjet Integrât Culture dal Friûl di Mieç
Comunitât Culinâr dal Friûl di Mieç (CollinaEcultura)
Comun di Sedean
Comun di Colorêt di Montalban

E je la tape conclusive dal progjet trienâl di ricercje su “la musiche dai lûcs” inmaneât tal àmbit di Avostanis cu la direzion artistiche di Renato Rinaldi cul obietîf di slargjâ la cussience dal paisaç sonôr a traviers da la ecologjie acustiche, da la interazion jenfri musiche e paisaç, da la cognossince da la influence dal ambient sonôr sul compuartament uman.
Ta lis dôs edizions precedentis a son stâts coinvolts artiscj da l’Europe, dal Gjapon e dai Stâts Unîts par esplorâ la situazion da lis ricercjis internazionâls sul rapuart musiche-spazi, cun documentazion sonore, concerts, e seminaris.
Il festival di chest an, struturât in tre zornadis di seguit e in tre lûcs diferents dal Friûl, al è dedicât particolarmentri al rapuart paisaç sonôr/visîf, e l’ativitât seminariâl si displee a traviers di incuintris vierts dulà che al è pussibil interagî diretamentri cui artiscj.

Program Avostanis 2004