Domenie 08 Avost 2004, h 21:15
Inaugurazion da la mostre di Giuliano Mauri, artist
Intervent di Philippe Daverio, storic da l’art
La mostre e je vierte ta lis seradis di Avostanis
Giuliano Mauri al cree lis sculturis e lis instalazions cun materiâi naturâi, che a dialoghin dinamicamentri cu la nature. Al à vût lavorât in Italie, Danimarche, Gjermanie, Inghiltere e Stâts Unîts, cuistant un larc ricognossiment internazionâl. Une da lis oparis plui maiestosis e sugjestivis e je la Catedrâl Vegetâl, fate sù in Val Sella tal 2001.
L’aspiet plui interessant da la vore di chest artist al è il procès di ideazion, costruzion e evoluzion tal timp, pa la cuâl il paisaç al mude dutun cu lis sôs creazions. Il sens dal so lavôr al è propit chel di “superâ l’antitesi jenfri nature e culture, fasint apel a une culture da la nature dulà che la creazion artistiche e devente archetip. Parchel e je par da bon art contemporanie”. (Maria Rita Silvestri)
La presince di Mauri ai Colonos e cjape dentri une esposizion di progjets e lavôrs di piçule scjale, e po a setembar un intervent par creâ une instalazion specifiche e “permanent” sul puest.
La realizazion dal progjet intîr e vignarà documentade mediant da la publicazion di un catalic.
Presentazion
Leture integrâl da l'Apocalisse di Zuan par furlan
Inaugurazion da la mostre
Proiezions in lenghe origjinâl
Proiezion film
Festival
Concert-event
Concert
Concert
Leture seniche
Fieste popolâr
Concert
Incuintri
Conversazion musicâl
Spetacul multimediâl
Inaugurazion