Joibe 05 Setembar 2019, h 21:00

Rîts e poesie da la Foreste Amazoniche

Serade cu la poetesse “Shuar” Maria Clara Sharupi Jua

Animazion e leturis Massimo Somaglino

Traduzions par furlan Giacomo Vit

Introduzion Alexandra Tomaselli (Eurac di Bolzan)

In colaborazion cul Istitût Ladin Furlan “Pre Checo Placerean”

Il 2019 al è stât declarât da l’Assemblee gjenerâl da lis Nazions Unidis “An internazionâl da lis lenghis indigjenis”.

Par ricuardâ la necessitât di conservâ, saborâ e promovi chestis lenghis, simpri intun pericul di sparizion, i Colonos a inmaneein une serade cuntune da lis poetessis plui impuartantis tal panorame da lis lenghis feveladis ta la foreste da l’Amazonie.

Nassude e cressude ta la foreste amazoniche ecuadoriane, ore presint e vîf e e lavore a Quito. La sô marilenghe e je il shuar-chicham, fevelade dai Shuar, un popul antigon ch’al vîf ta la foreste amazoniche di miârs di agns, ancjemò prime dal popul Incas.

La serade si vierzarà cul vieronon “Rît dal fûc” e cuntune danze tradizionâl shuar.

Podopo a vignaran letis poesiis in lenghe origjinâl shuar, voltadis par l’ocasion in lenghe furlane. Par sierâ a vignaran mostradis imagjinis di vite da la comunitât Shuar da l’Uyuentza.

E introdusarà l’event la prof. Alexandra Tomaselli dal Eurac di Bolzan, ricercjadore e esperte su lis popolazions indigjenis.

Program Avostanis 2019