Lunis 21 Avost 2023, h 21:00

Provis viertis di culture furlane

Progjets dai cantîr creatîf dal Friûl
par cure di Federico Rossi

Cun Giuliana Musso, Germano Trinità, Nicoletta Taricani / Maurizio Tondolo / Marco Lupieri / Massimo Somaglino, Serena Fogolini / Giorgia Barbaresco, Elena e Luca Comisso
A presentin Martina Delpiccolo e Giulio Pagotto

☔︎ la sere dopo

La serade e ufrìs un ritrat dal vivarôs laboratori Friûl dulà che tantis pratichis di sperimentazion, ricercje e creativitât a stimolin la cressite da l’identitât lenghistiche e culturâl furlane midiant di percors inovatîfs. Cinc progjets di gjenar diferent, che orepresint a son ancjemò in cantîr, a vegnin contâts dai lôr protagoniscj.
Al è il spetacul “Ce crodistu di fâ!”, une dramaturgjie di Freark Smink ta la version furlane di Serena Fogolini che il Teatri Stabil Furlan al metarà in sene. E je la Pro Loco di Preon che e à progjetât une vision pal avignî da la comunitât locâl, incentrade sul turisim slow e su la valorizazion da lis peculiaritâts umanis e naturâls dal teritori. E je une iniziative editoriâl e discografiche dedicade a la memoria da la amade cantante e atore Claudia Grimaz, une biografie origjinâl fate di vôs e di cjançons. Al è l’incuintri anticipadôr dal documentari “Un futuro per i roccoli di Montenars” promovût dal Ecomuseu da lis Aghis dal Glemonàs, e infin l’esperience di trê zovins che a partiràn di Flambruç e Pressinins par tornâ a cjatâsi a San Jacun di Galizie.

Program Avostanis 2023