Lunis 02 Setembar 2024, h 21:00

Musica picta

Iconografie musicâl ta lis metamorfosis da l’art in Friûl
di e cun Alessio Screm
Storiis e videoproiezions cun esecuzions estemporaniis a lis tastieris di Rudy Fantin

☂ la sere dopo

L’organologjie, a dî chel setôr da la musicologjie che si ocupe di struments musicâi, nus fâs capî cetant che tal timp chescj a vedin cognossût cambiaments struturâi, metamorfosis pâr a pâr cu l’evoluzion e la concezion da la musiche. Cussì l’art figurative, da l’ete antighe ai dîs nestris, nus spieghe cetant che musis, cuarps e prospetivis si caraterizedin daûr dai timps e da lis corints stilistichis. Coniugant la musiche e la figure, ve che l’iconografie musicâl si presente come une dissipline intrigant ta l’analisi di trasformazions che a riguardin suns e senis.
In particolâr tai contescj dal sacri, il Friûl al conserve un grant patrimoni di mosaics, miniaturis, frescs, telis, statuis, di artiscj anonims e mestris famôs: Zuan Francesc di Tumieç, il Pordenon, Peligrin di San Denêl, Zuan di Udin, Pomponi Amalteo al è dome cualchidun. Il musicolic espert di iconografie musicâl Alessio Screm nus compagnarà ta la cognossince di un patrimoni unic scovât fûr intant da lis sôs ricercjis, di Sauris a Aquilee, di Pordenon a Gurize. Imagjinis ch’a cjataràn une dimension gnove ta lis rileturis musicâls, tra citazions storichis e improvisazions, dal pianist e composidôr
Rudy Fantin.

Program Avostanis 2024