Sabide 22 Avost 2020, h 18:00

Mi capìs ben me!

Presentazion dal libri di William Cisilino
Walter Tomada al dialoghe cul autôr

Incursions di Claudio Moretti

Dopo dal grant sucès di “O sin dal gjat”, la gnove publicazion e cjape dentri une gnove schirie di intervents publicâts sul cuotidian Il Messaggero Veneto ta la rubriche “La peraule de setemane”, dulà che Cisilino al conte cuntune vene ironiche e un piç di poesie un fat sucedût dilunc de setemane in Friûl partint de peraule furlane che lu caraterize.
“Fâ ridi un furlan al è scuasit un meracul, ma Cisilino al è bon di fâ doi meracui par volte: fânus ridi, ma ancje fânus pensâ – al scrîf te jentrade dal libri Walter Tomada –. Cuntun voli aes peraulis e cuntun altri al mont, Cisilino nus mene ator ogni domenie pal Friûl a cjalâ cun disincjant ce che al è sucedût di stuzighin inte setemane passade. Lâ a scuvierzi pontadis simpri gnovis di chest viaç inte anime dal Friûl e leilis di gust al è pardabon un plasê”.

Intant da la serade dai Colonos l’opare e ven presentade in forme vivarose.

Se al plûf: la sere dopo

Program Avostanis 2020