Domenie 20 Març 2016, h 11:00

Metamorfosi dai lûcs

Metamorfosi dai lûcs – Ai Colonos

Inaugurazion mostre di Stefano Tubaro

Salûts di Federico Rossi, president dai Colonos e Federico Pirone, assessôr a la culture dal comun di Udin.

Intervent dal curadôr Angelo Bertani

Mostre vierte: vinars e sabide h 19.00 – 23.00 + domenie (gjavant Pasche) h 12.00 – 23.00 fin ai 17 di Avrîl

La mostre e je organizade intune dople sede espositive in colaborazion cul comun di Udin, e e documente l’opare di un protagonist dal panorame artistic regjonâl. Stefano Tubaro, docent di Art da la fotografgie e da la cinematografie tal liceu artistic G. Sello di Udin, al puarte indevant di cuasit 40 agns incà une ricercje dute sô a traviers da la fotografie, otignint risultâts pardabon origjinâi, che àn vût preseaments da la bande di critics di art impuartants. Tal 1999 al à vût il premi “Friuli-Venezia Giulia Fotografia” dal Centri di ricercje e archiviazion fotografiche di Spilimberc.

Cheste esposizion e scrutine in mût particolâr, ma no dome, un aspiet cetant significatîf di che sô vore artistiche, che lu à viodût impegnât a fonts intune azion di esplorazion e rivitalizazion di struturis abandonadis e fabrichis dismetudis, a mieç di intervents performatîfs che àn produsût risultâts di straneament di grande sugjestion.

Program In File 2016