Martars 11 Avost 2015, h 21:00

L’Incerto

Serade cun Fabiano Fantini, Claudio Moretti, Elvio Scruzzi e altris ospits

A introdusin Mauro Daltin e Alessandro Venier, curadôrs dal progjet editoriâl

In colaborazion cun Bottega Errante Edizioni

I trê mitics atôrs par la prime volte si contin cence pei su la lenghe e e ven fûr la storie di un toc fondamentâl da la culture furlane. I fats, lis gags plui famosis, lis curiositâts di un dai grups teatrâi plui amâts e popolârs cun passe 25 spetacui e 33 agns di storie daûr e miârs di replichis in ogni cjanton da la Regjon. Da lis origjinis a Grediscje di Sedean, dal Friûl di Mieç ai regjiscj che ju àn formâts, da la nassite dai lôr sucès al Friûl ch’al è cambiât insieme cun lôr: une riflession a taront su cheste tiere e sul mont dal teatri, su la culture e su l’amicizie.

Program Avostanis 2015