Sabide 05 Setembar 2020, h 18:00

L’art tal timp da la pandemie

Simposi di artiscj

Al introdûs e al ten sù il dibatiment Carlo Bach

Cocktail Nonino

Al è tai moments plui dramatics che l’art e la culture a deventin necessariis plui che mai. A puedin cjapâ tal contest di un event dramatic come chel ch’o sin daûr a patî, un rodul sociâl e storic ancjemò plui centrâl di prime, di segn contrari rispiet a la scjarse considerazion che si veve vût par lôr in chescj mês, soredut in Italie dulà che, a difarence di altris paîs in Europe, cheste negligence al è di masse timp consuetudin e metodi di aministrazion ordenarie.
Chest incuintri, ch’al à un caratar dal dut informâl e di cjacarade, al à chê di proferî un spazi viert par la riflession, di confront e di dibatit sul contribût fondamentâl che i artiscj a puedin dâ par ripensâ e ri-imagjinâ une relazion plui strente cu la comunitât locâl e cu l’umanitât di vuê, fasint vignî fûr la profonditât dolorose dal traume (come ch’a vevin fat Picasso dopo dal bombardament di Guernica e Burri dopo dal taramot dal Belice) e lis oportunitâts di evoluzion che si prospetin.

Program Avostanis 2020