Vinars 22 Zenâr 2016, h 20:30

La int tal taramot

Testemoneance e riflessions di bons. Duilio Corgnali e Laura Nicoloso
“Tutta la terra fo in gran spavento…”

Lezion animade dai students dal ISIS Magrini Marchetti di Glemone, coordenâts da la prof. Flavia Valerio

“San Michêl” instalazion artistiche di Chris Gilmour
Ta la stale piçule, intant dai incuintris In File

Un grup di zovins al scree In File cuntune ricercje storiche sul taramot dal 1511. Un percors naratîf tra storie e cronache di secui passâts che a podaressin sei cetant dongje ai nestris. Il confin scrusignât, ruvinât, metût in compromès al è chel da l’identitât, che al devente fîl ros di chest scandai.
Ai relatôrs di chest incuintri, che a son stât protagoniscj impuartants tal cûr dal Friûl scunît dal sisme, il compit di testemoneâ e contâ il rodul fondamentâl vût da la int. E je stade propit la popolazion il sisteme propulsîf vêr – masse voltis dismenteât – che la sô fuarce e je rivade a gjenerâ rispuestis justis ai dramis da l’emergjence, frontade cuntune capacitât di autogjestion rare, e a la seguitive, grandonone vore di ricostruzion. E je stade scrite jenfri lis maseriis e lis barachis une da lis pagjinis plui bielis dal nestri popul, metudis in vore con coragjo, solidarietât, slanç morâl, ustinazion e capacitât di resistence.

Program In File 2016