Sabide 24 Avost 2019, h 21:00

Incanto

Docufilm di Marco D’Agostini

A intervegnin Flavio Pressacco e il regjist

In colaborazion cu l’Associazion culturâl “Don Gilberto Pressacco”

“Incjant” al è un viaç di scuvierte mediant da la ricercje storiche e da lis intuizions origjinâls di un dai protagoniscj da la sene culturâl furlane di fin Nûfcent, don Gilberto Pressacco.
Il so pinsîr al è stât il caleidoscopi di sugjestions, intun zûc continui di rimants: dai studis in ambit musicâl al teme da la danze sacre e popolâr, fintremai a la interpretazion inceant dai mosaics da la basiliche di Aquilee.
Cu la sô ricercje al à tirât adun i fîi spierdûts e sparniçâts dal timp, rivant a colegâ l’Aquilee dal 1n secul d.C. cun Alessandrie in Egjit, in chê volte la capitâl vere dal Mediterani.
Mediant da la testemoneance di chei ch’a àn condividût cun lui il lavôr, chest viaç di scuvierte nus jude a interpretâ la nassite e la difusion dal Cristianesim aquileiês.
Dopo di vincj agns che nus à lassâts, la sô ereditât e à un valôr culturâl grandonon e infuartìs l’idee di un Friûl tiere di confin, siôr di storie e di art, crosere di culturis e di spiritualitâts libaris.

Program Avostanis 2019