In trê riis 2013
ROMANÇ IN TRÊ RIIS
Concors leterari in Lenghe Furlane
Cuarte edizion – 2013
REGOLAMENT
ARTICUL 1
L’Associazion culturâl Colonos e bandìs, in colaborazion cul ARLeF, un concors par romançs in lenghe furlane clamât In trê riis, idee gjavade di une invenzion leterarie dal scritôr francês Felix Feneon (1861 – 1944).
ARTICUL 2
Il concors al rivuarde tescj di narative par furlan: storiis che a àn di sei leadis cu la atualitât e ineditis, scritis ta la grafìe uficiâl daûr da lis normis da la LR 15/96 e modif. seguitivis, e e cun cualsisei varietât lenghistiche (discjame il pdf da la Grafie Uficiâl da la Lenghe Furlane sul sît www.arlef.it), cuntune lungjece massime di 180 batudis (cjapant dentri ancje i spazis). Ogni parecipant al pues mandâ un massim di trê composizions. Poesiis, filastrocjis o componiments fûr dal gjenar da la narative no vignaran considerâts.
ARTICUL 3
Si pues partecipâ intune da lis dôs sezions:
fin ai 16 agns: fasint rivâ une e-mail par pueste eletroniche, a la direzion info@colonos.it cul test in alegât. La mail e à di vê i dâts dal autôr (non, cognon, date di nassite, direzion di cjase e numar di telefon), la direzion di pueste eletroniche e la misure par la maiute-regâl. I partecipants no àn di vê finîts 16 agns ai 30 di Jugn dal 2013;
dai 17 ai 35 agns: fasint rivâ une e-mail par pueste eletroniche, a la direzion info@colonos.it cul test in alegât. La mail e à di vê i dâts dal autôr (non, cognon, date di nassite, direzion di cjase e numar di telefon), la direzion di pueste eletroniche e la misure par la maiute-regâl. I partecipants no àn di vê finîts 35 agns ai 30 di Jugn dal 2013.
ARTICUL 4
Lis voris a àn di rivâ dentri da la miezegnot dai 30 di Jugn dal 2013 (e fâs fede la ore in mostre sul computer).
ARTICUL 5
La jurie dal concors “Romanç in trê riis” e je dade dongje di: Carlo Tolazzi (president), Lorenzo Casadio, William Cisilino, Daniela De Prato, Angelo Floramo, Enrico Michelutti.
ARTICUL 6
La jurie e assegnarà un prin premi par ognidune da lis dôs sezions, ma e puedarà ancje no dâlu par vie de cualitât no meritevule dai lavôrs rivâts.
Al prin classificât da la Sezion fin ai 16 agns i vignarà dât un smartphone Samsung ACE+ (o ecuivalent).
Al prin classificât da la Sezion dai 17 ai 35 agns i vignarà dât un iPad2 32 GBApple.
La jurie e pues ancje assegnâ un “Premi speciâl da la jurie” a une o plui voris che si son segnaladis par origjinalitât e contignûts. Par chest ricognossiment a saran dadis da lis publicazions editadis da l’associazion culturâl Colonos.
Cun di plui ai partecipants ur vignarà dade in regâl une simpatiche maiute-simbul dal concors che le à ilustrade di pueste Altan, e che si puedarà ritirâ li dal Agriturisim Ai Colonos fintramai a la date di cerimonie da la premiazion.
La Associazion culturâl Colonos, tignint cont dal numar e da la cualitât da lis oparis rivadis, in avignî e fasarà une publicazion di pueste. Partecipant, i autôrs a concedin i dirits par la publicazion in libri, su Internet e su altris eventuâi media.
ARTICUL 7
La cerimonie di premiazion si le fasarà li dal Agriturisim Ai Colonos tal mês di Avost, intant da la manifestazion di Avostanis, intune date che e vignarà comunicade par timp.
ARTICUL 8
Il bant di chest concors si lu cjate sul sît www.colonos.it
Par vê altris informazions:
Associazion Culturâl “Colonos” – Vie Zuan di Udin, 8 – 33050 Vilecjasse di Lestize (UD)
tel/fax 348 1015830 – info@colonos.it