Seconde edizion 2011
> Astu mancul di 35 agns?
> Astu un celulâr o un computer sot man?
> Met a la prove la tô creativitât
> Inviinus un piçul romanç di 3 riis par sms o par mail
> Ce statu spietant, il concors al scjât ai 23 di Avrîl 2011
Tu puedis partecipâ al concors se tu âs mancul di 35 agns, se il to romanç scrit par furlan nol è plui lunc di 180 batudis
Tu puedis mandanus il to scrit cuntune e-mail a info@colonos.it opûr cuntun SMS al numar 345 2923767
Niciti, il concors al siere ai 23 di Avrîl dal 2011
Pal prin classificât ta la sezion SMS
> un iPod Touch 32 GB Apple
Pal prin classificât ta la sezion Mail
> iPad 32 GB Apple
Ducj chei che nus mandin un romanç a varàn in regâl la maiute cul logo “In tre riis” disegnade di ALTAN.
REGOLAMENT
ARTICUL 1
L’Associazion culturâl Colonos e met fûr, in colaborazion e cul patrocini di Il Messaggero Veneto, un concors par romançs in lenghe furlane clamât In trê riis, idee gjavade di une invenzion leterarie dal scritôr francês Felix Feneon (1861 – 1944). Il concors al à dôs sezions difarentis: une pai tescj mandâts mediant SMS e une pai tescj mandâts mediant e-mail.
ARTICUL 2
Il concors al rivuarde tescj di narative par furlan, che a àn di sei inedits, scrits ta la grafìe uficiâl e cun cualsisei varietât lenghistiche, cuntune lungjece massime di 180 batudis (cjapant dentri ancje i spazis).
ARTICUL 3
Il concors al è viert par chei ch’a no àn plui di 35 agns.
Il premi al vignarà assegnât dopo che si à verificade l’etât dai candidâts.
Ogni concorint al pues mandâ un massim di trê composizions.
A ducj i partecipants ur vignarà mandade a cjase a gratis une maiute-simbul dal concors ilustrade di ALTAN
ARTICUL 4
Si pues partecipâ dome a une sezion dal concors:
Sezion Mail: fasint rivâ a l’associazion culturâl Colonos une mail par pueste eletroniche, al indirìs info@colonos.it cul test in alegât. La mail e à di vê i dâts dal autôr (non, cognon, date di nassite, indirìs e numar di telefon), il so indirìs di pueste eletroniche e ancje la misure par la maiute-regâl.
Sezion SMS: fasint rivâ al numar di celulâr 345 2923767 da l’associazion culturâl Colonos un SMS cul test da la composizion e ancje un altri SMS cui dâts dal autôr (non, cognon, date di nassite, indirìs e numar di telefon), il so indirìs di pueste eletroniche e ancje la misure par la maiute-regâl.
ARTICUL 5
Lis voris a àn di rivâ a l’Associazion dentri da la miezegnot dai 23 di Avrîl 2011 (e fâs fede l’ore in mostre sul computer o sul celulâr).
ARTICUL 6
La jurie dal concors “Romanç in trê riis” e je dade dongje di: Carlo Tolazzi (president), Mauro Tubetti (diretôr artistic dal premi), Lorenzo Casadio (student), Fabiano Fantini (atôr), Massimo Garlatti Costa (regjist cinematografic e senegjadôr), Claudia Grimaz (cjantante e musiciste), Maurizio Mattiuzza (poete e contadôr), Michele Meloni (gjornalist), Enrico Michelutti (ricercjadôr universitari).
ARTICUL 7
La jurie e assegnarà un premi par ognidune da lis dôs sezions, che al puedarà ancje no jessi assegnât par vie de cualitât no meritevul dai lavôrs rivâts. La jurie e pues ancje assegnâ un “Premi speciâl da la jurie” a une o plui voris ch’a si son segnaladis par origjinalitât e contignûts.
Al prin classificât da la Sezion SMS i vignarà dât un iPod Touch 32 GB Apple.
Al prin classificât da la Sezion Mail i vignarà dât un iPad 32 GBApple.
Il premi Speciâl da la jurie a saran da lis publicazions da la golaine “Progjet Colonos”
L’Associazion culturâl Colonos, tignint cont dal numar e da la cualitât da lis oparis rivadis, a jodarà se al sarà il câs di fâ une publicazion di pueste. In plui, i romançs miôr a vignaran publicâts su Il Messaggero Veneto, daûr di une valutazion da la jurie in acuardi cu la redazion culturâl dal cuotidian.
ARTICUL 8
La cerimonie di premiazion si le fasarà li dal agriturisim Ai Colonos ator da la metât di Mai 2011, intune date ch’e vignarà comunicade par timp.
ARTICUL 9
Il bant di chest concors si lu cjate sul sît www.colonos.it