Vinars 04 Març 2016, h 20:30

In trê riis

Serade di premiazion dal concors par un romanç In Trê Riis

Al presente Dek Ill Ceesa (Andrea De Candido)

Partecipazion dai finaliscj e dal president da la zurie Carlo Tolazzi

Intervents musicâi di Alvise Nodale (vôs e ghitare)

In colaborazion cu l’ARLeF

La serade e je dedicade ai finaliscj dal concors par un romanç “in trê riis”, ch’a son stâts invidâts a lei lis lôr storiis devant dal public, par rivâ po a la premiazion dai vincidôrs fate da la jurie. Chest progjet al à chê di promovi la creativitât dai zovins tal cjamp da la prose par furlan, stiçant la fantasie a misurâsi cuntune sintesi estreme. La disfide e je chê di dî tant cun pôc, che al vûl dî jessi bogns di creâ contis-lamp in 180 batudis, comprindûts i spazios, doprant dutis lis potenzialitâts evocativis da la lenghe furlane. Il regolament di cheste edizion e à zontât dongje da la sezion par contis di atualitât ancje chel dal struc di un romanç famôs, che pal 2016 al è l’Odisse di Omer.

A pensaran a tignî sù la serade Dek III Ceesa dai Carnicats, il cantautôr cjargnel di vincj agns Alvise Nodale e il public dai Colonos, che al sarà invidât a votâ la sô vore preferide.

Program In File 2016