Domenie 22 Març 2020, h 11:00

“In nome del popolo italiano”

Narodni Dom a Triest, in vie Fabio Filzi 14

Il brusarili da lis identitâts, cuant che lis flamis dal Narodni Dom a àn impiât la gnot da l’Europe

A intervegnin Štefan Čok, l’on. Tatjana Rojc e Andrea Bellavite

Al presente Angelo Floramo

Cu la colaborazion
di Narodna in študijska knjižnica – Biblioteche nazionâl slovene e dai studis

Puescj limitâts, si consee la prenotazion

I Colonos, atents al valôr da l’identitât ta la pluralitât da lis sôs manifestazions, no podevin dismenteâsi dai brusarilis che cent agns indaûr un’Italie za fassiste e autoritarie, demagogjiche e populiste, e impià a Triest. Chel brusarili al fo la torgule premonizion di tancj altris fûcs: tal imprin lis bibliotechis, podopo lis cjasis, insom lis personis, ta l’indifarence colpevul di tancj di lôr. La preseose suaze dulà che il fat al vignarà celebrât al è propit il fabricât che in chê volte al ospitave il Narodni Dom, un dai Narodni Dom plui siôrs e ferbints par culture e dibatit inteletuâl, simbul da la convivence pacjifiche tra popui e lenghis che par secui a àn tiessût il profîl di une Europe plurâl. Par ironie dal destin vuê il fabricât al ospite une da lis scuelis superiôrs plui prestigjosis par tradutôrs e interpretis, frecuentade di zovins ch’a rivin di dut il mont par dimostrâ che l’avignî al passe pal multilenghisim e l’interculture, il confront e lis intersezions. O no varìn avignî.

Program In File 2020