Vinars 02 Avost 2024, h 21:00

Etiche da la trasformazion

Conference di Franco Fari e Gian Paolo Gri
Al introdûs Federico Rossi
Performance musicâl cun violoncel di fen Riccardo Pes

Brindis Aperitivo Nonino

☂ la sere dopo

Metamorfosi al è un biel concet dinamic, complen di energjie. Al sburte a cjalâ il mont, lis personis e se stes in termins di trasformazion e di rigjenerazion; al fonde il desideri “che fusse uno mondo nuovo”, par dîle cun Menocchio. Gian Paolo Gri al fasarà cualchi riflession su la necessitât di un pinsîr “metamorfic”, partint di testemoneancis che nus vegnin da la tradizion popolâr. Dôs in particolâr: il significât profont da la liende “I viàrs di S. Job” che al rimande al leam tra ledan, morârs, cavalîrs e sede, e lis testemoneancis furlanis sui mîts, rituâi e crodincis leadis cu la metamorfosi di oms e feminis in animâi (e al contrari).
Franc Frari al frontarà il teme di cemût miorâ se stes e il mont intun periodi cetant critic come chel ch’o vivìn, analizant lis difarentis pussibilis soluzions da la storie culturâl dai oms. La situazion critiche di vuê a denote che lis propuestis ch’a àn vût plui sucès a son salacor sbaliadis. E alore al covente tornâ a pensâ intune maniere creative e critiche ideis gnovis daûr di diretivis ch’a vignaran presentadis in dôs categoriis: pussibilis soluzions par un miorament personâl e propueste par un miorament politic.

Program Avostanis 2024