Joibe 06 Avost 2026, h 21:00

Derby

Inaugurazion da la mostre

Oparis di Michele Bazzana e Paola Pasquaretta
Par cure di Angelo Bertani

La mostre e sarà vierte intant dai apontaments di Avostanis, fin ai 27 di Avost

Paola Pasquaretta, marchigjiane, Michele Bazzana, furlan. A vivin insiemi di chestis bandis. Ducj e doi a lavorin tal cjamp da l’art contemporanie, e se par tancj aspiets si trate di une vore dificile, in chest câs la fadie e je dople.
Stant che ai Colonos la sfide culturâl e je continue o vin volût metiju a la prove proponintjur une mostre a doi: cussì Paola Pasquaretta e da cont dai risultâts da la sô ricercje plui resinte, e di chê altre bande Michele Bazzana al presente oparis gnovis, esit, in ducj i doi i câs, di une riflession suntune tematiche urgjent. In plui e je ancje une vore in comun, fate a cuatri mans e soredut idea- de di dôs sensibilitâts artistichis origjinâls, che cumò a colaborin insiemi par un fin unic.
Si trate partant di une mostre di cubie, dulà che però ognidun al manten la sô autonomie. Come ch’al è just ch’al sedi ancje ta l’art. Jodi par crodi.

Program Avostanis 2026