Martars 06 Avost 2024, h 21:00

Cui voi sierâts

Inaugurazion da la mostre di Roberto Kusterle

Par cure di Angelo Bertani
Idee e coordenament Federico Rossi
A intervegnin l’autôr e il curadôr

Mostre vierte intant dai events di Avostanis
 

Nus lu à insegnât Franz Kaha che la metamorfosi ognidun di nô se puarte daûr tant che lât scûr dal incussient. Cheste cussience e je une ereditât dal Nûfcent malcuiet che par sante scugne al à riscuviert cun voi gnûfs i mîts antics: no plui lis bielis metamorfosis di une volte che ta lis mans di Bernini a fasevin cambiâ in verosimil orâr odorôs lis bielis cjars spasimantis di Dafne, cumò l’individui al deventave al plui un inset repelent e stomeôs. E ancje vuê par la stesse strade, in particolâr tal aiar ch’al ven da la Mijeleurope, al è un cjalâsi di là dal spieli, cui voi sierâts, e jodisi mudâ in len, in clap, in tiere. Un tornâ a lis origjinis (liberatori e tal timp istès ansiôs) par metamorfosi endogjine.
La mostre fotografiche di Roberto Kusterle (Gurize, 1948), artist di innomine internazionâl ch’al à pandût la sô poetiche ancje mediant da la piture, lis instalazions, la senegjadure e la regjie, nus torne indaûr cui siei scats un cambiament di segns, formis, aparincis, e aparizions, cun formis e cuarps di continuitât ambigue e enigmatiche tra il mont uman, animâl e vegjetâl, trasformant personis e essincis mediant da la fissitât di une imagjine cjapade tal cambiament.

Program Avostanis 2024