Vinars 19 Fevrâr 2016, h 20:30

Cun lidrîs tal doman

Intervents di Sergio Cecotti e Elena D’Orlando
Introduzion di Federico Rossi

La situazion dal Friûl, cjapât tant che regjon storiche e culturâl, e ven fûr cetant plui critiche e problematiche di cuarante agns indaûr. Il stât talian, storicamentri centralist, nol à fate sô l’esperience metude in vore cun profit ta la fase da la ricostruzion, fasint tai ultins agns un percors involutîf cuntune determinazion simpri plui fuarte mediant di sieltis e ategjaments centralistics. Tal mont politic e je nassude une insoference tai confronts dal sisteme regjonalistic, cuntun acaniment particolâr tai confronts da lis regjons a statût speciâl, intant che cu la riforme da lis autonomiis locâls il Friûl si cjate ancjemò plui fûr dai ponts di riferiment identitaris e istituzionâi.
Obietîf di chest incuintri al è chel di scrusignâ la situazion intune otiche furlane, cuntun contat culturâl, politic e juridic, cirint di meti in vore resonaments e confronts bogns di vê prospetivis e strategjiis di azion su la fonde da l’autonomie e dal federalisim.

Program In File 2016