Avostanis 2012

avostanis 2012 ___ XXI edizione
25 Lui – 2 Setembar 2012

Direzion artistiche_Federico Rossi / Tescj furlans par cure di_Gotart Mitri /
Consulence tecniche_Andrea Saccomano

Tal segn di Aquilee

Candidâ a Citât Europeane da la Culture pal 2019 dut il sisteme teritoriâl, sociâl e culturâl dal Nordest, pûr inta lis sôs molteplicis diferencis, al pues jessi un progjet di rilêf. Al è dut câs necessari che, dentri dal sisteme di sinergjiis che a son daûr a meti adun, la Regjon Friûl-Vignesie Julie e cjapi cheste ocasion tant che une oportunitât par proponisi di protagoniste sei sul plan culturâl che su chel politic-istituzionâl, cuntun profîl alt, puartant in dote lis ecelencis da lis nestris comunitâts. Jenfri chistis, la prime e je dal sigûr chê dal patrimoni cetant sflandorôs di Aquilee, citât che l’UNESCO al à metût dentri ta la liste dai sîts dal patrimoni da l’umanitât, tant che lis sôs lidrîs a àn nudrît vie pai secui la civilitât furlane e la sô identitât. In cheste suaze l’associazion culturâl Colonos e propon, a traviers di Avostanis, un percors par scandaiâ i aspiets plui origjinâi e interessants da la storie da la glesie di Aquilee dai prins secu dopo Crist. Une realtât vivarose che e je stade caraterizade di une grande autonomie e di une straordenarie origjinalitât noo dome dal pont di viste religjôs, teologjic, liturgjic e musicâl, ma ancje da la ricjece culturâl, stant che chê glesie – po metude in sotanance e infin soprimude da la bande dai podês fuarts – e abrace un mosaic european di popui, insedât sì intun credo comun, ma dentri da la ricjece di une feconde molteplicitât linguistiche e culturâl. O lin a investigâ cierts aspiets di cheste nestre grande ereditât cu la cussience da la sô ferbinte atualitât.

Associazion culturâl Colonos

cul contribût di
Regjon Friûl-Vignesie Julie, Assessorât a la Culture
Provincie di Udin, Assessorât a la Culture
Comun di Lestize

cul sostegn di
AMGA Energia & Servizi spa / Distilerie Domenis
Banca di Cividale – Gruppo Banca Popolare di Cividale

in colaborazion cun
Associazion culturâl don Gilberto Pressacco / Associazion culturâl Fûrclap / Fondazione Aquileia / Comun di Aquilee / Comun di Enemonç / Comun di Moruç

Program