Avostanis 2011

ai 27 di Lui ai 6 di Setembar — 2011
(program definitîf dai 16 di lui)

Agriturisim Ai Colonos, Vileciasse di Lestize (Udin) – Friûl

Associazion culturâl Colonos

Cul contribût di
Regjon Friûl-Vignesie Julie
Provincie di Udin

Cul sostegn di
AMGA energia & servizi Spa
CAFC Spa
Distilerie Domenis
Nordest Banca e Banca Popolare di Cividale (Gruppo Banca Popolare di Cividale)

In colaborazion cun
Associazion culturâl Fûrclap

Direzion artistiche
Federico Rossi

Tescj furlans
Gotart Mitri


naturalia artificialia

Inta la fase storiche plui dongje la societât ocidentâl e à patît gambiaments insot parvie di une presince simpri plui pesant e invasive da la “machine” declinade in dutis lis formis pussibilis di invenzion e aplicazion tecniche, mediant di un procès veloç e cence padin ch’al è daûr a rivoluzionâ il nestri mût di vivi, di vualmâ e di pensâ. Si trate di un fenomen incolm di fats che no si rive a cognossi e di riscjos, tant che cualchi pensadôr contemporani al à pôre che e rivi une civiltât da la tecnocrazie.

Dopo trê mil agns, cuant che la vite umane si è compagnade cun mieçs tecnologjics dome mecanics, cumò i confins, une volte disfarenceâts, jenfri l’aspiet naturâl e chel artificiâl a son deventâts simpri plui malsigûrs.

L’ativitât ferbinte par l’artificializazion dal ambient di bande dal om, cetant infuartide di une difusion imburide da lis gnovis tecnologjiis informatichis e telematichis, e somee che e sedi daûr a gambiâ la nature umane istesse. I artefats no son plui sogjets difarents e esternis pal om, ma a son deventâts estension dal so cuarp, dai siei sens e da la sô ment. L’om e la machine, il naturâl e l’artificiâl, il reâl e il virtuâl a son daûr a instreçâsi cuntune intime ibridazion simpri plui gruesse.

“Lis machinis a stan deventant biologjichis, e ce ch’al è biologjic al sta deventant mecanizât”
(Kevin Kelly)

La vincjesime edizion di Avostanis e invide a pensâ disore di chescj temis di fonde.

Program