Sabide 31 Otubar 2015, h 21:00

A(R)MA

Instalazion di Maria Elisabetta Novello

La glesie di Sante Crôs, a Cjasarse, e custodìs une lapide antighe dulà che si ricuarde cun scatûr che tal mês di Setemabr dal 1499 “furono li Turchi in Friuli”. Come che si sa il zovin Pasolini, tai agns da la vuere, al veve cjapade idee di chê lapide par scrivi il so “I Turcs tal Friúl”. Cumò Maria Elisabetta Novello, a cuarante agns da la muart dal poete, e à fat pai Colonos un’altre lapide, fate però cu la cinise: si cjatin ripetudis une daûr chê altre lis peraulis “ARMA” e “AMA”, peraulis ch’o podìn dî pasolinianis di plantefûr. Cetant plui di altris Pasolini al è stât inteletuâl armât, e la sô scusse e jere fate di passion e di ideologjie. Ma al è ancje stât visionari timit e sfrontât dal amôr, cun ducj i siei sens.
Poete da la cinise di Gramsci, al à volût ancje sei di chê di un mont ch’al jere daûr a sparî, che par lui al veve amât e scombatût. Maria Elisabetta Novello cu la sô opare ai Colonos e torne a cjapâ chei valôrs, ma ju marche cu la precarietât istesse da la cinise: parcè che nuie al è plui nobil di ce che cu la cee sute al fâs i conts cu la vite.
– Angelo Bertani

I Events 2015

• Sabide 31 Otubar 2015, h 21:00

  A(R)MA

  Instalazion di Maria Elisabetta Novello

• Vinars 04 Dicembar 2015, h 20:00

  Insumiàn 2015

  Cantîr viert di arts contemporaniis