Vinars 04 Otubar 2024, h 18:00

A brene vierte

Gardiscje dal Lusinç – Galarie Regjonâl di Art contemporanie Luigi Spazzapan

Proiezion dal video-documentari di Paolo Comuzzi
Introduzion di Lorenzo Michelli, conservadôr da la Galarie L. Spazzapan
A intervegnin il curadôr Michele Bazzana, il regjist e i artiscj

Ta la Galarie Spazzapan, istituzion regjonâl impuartant, impegnade ta la promozion da l’art contemporanie, al vignarà presentât il gnûf documentari dulà che il videomaker Paolo Comuzzi, di tancj agns e cun continuitât, al conte i moments plui significatîfs di une aventure creative che, a pet dal panorame gjenerâl di tantis iniziativis artistichis ch’a vegnin inmaneadis sul teritori, si disvele dal dut fûr dal normâl e particolarmentri origjinâl. Il regjist di documentaris di “creazion” bogns di tornânus percors artistics in fieri e in itinere, al spiegarà i procès costrutîfs ch’a àn sburtât i artiscj interessâts a produzi instalazions d’art cun materiâi di scart sul teme afidât. A son esperiencis condividudis ch’a deventin no dome elements di recupar, ma di rigjenerazion e condivision marcant la pratiche artistiche cuntun fuart impat, etic e ambientâl.
Ai partecipants ur vignarà dade in omaç une copie dal dvd “A brene vierte 2024”.

Program Avostanis 2024