Domenie 04 Otubar 2026, h 15:00

Stin dongje a la Patrie

Par cure da la Clape di Culture furlane La Patrie dal Friûl

Event inmaneât da La Patrie dal Friûl cul Istitût ladin-furlan “Pre Checo Placerean”, Glesie Furlane e Colonos

“La Patrie dal Friûl”, storic mensîl in lenghe furlane fondât tal 1946 di pre Bepo Marchet e Felix Marchi, di simpri simbul da la batae identitarie dal popul furlan, al fâs 80 agns. I Colonos a son dal sigûr plui zovins ma a rapresentin la continuitât di chei ideâi che a vevin sburtât tal dopoguere tancj inteletuâi furlans a cirî struments par interpretâ la gnove realtât ch’e jere daûr a vignî indevant. Chest lûc, par cetant ch’al à dât a la cussience e a la cognossince dal Friûl, al rapresente alore la sede ideâl par celebrâ chest aniversari. E sarà ancje une ocasion di incuintri e di scambi di esperiencis fra associazions e personis in viste ancje di un impegn ch’al jodarà interessât il Comun di Pordenon, capitâl da la Culture pal 2027 dulà che no varà di mancjâ la presince di chê furlane. Ancje l’incuintri di chest an al sarà un moment di fieste e di convivialitât.

Program Avostanis 2026