Lunis 10 Avost 2026, h 21:00

Il vint. Marc di Murùs

Spetacul teatrâl
di e cun Martina Delpiccolo e Fabiano Fantini

Anteprime
Produzion Teatri Stabil Furlan

Dopo dal sucès di “Marcho. L’ultima bandiera”, docufilm di Marco Fabbro e Enrico Maso, ora Martina Delpiccolo e Fabiano Fantini a acetin la propueste di aprofondî e di scandaiâ la dimension umane plui fonde e la potenzialitât empatiche da la figure di Marc di Moruç (XV secul), l’ultin puartebandiere dal Stât patriarcâl di Aquilee o – come ch’al scrîf Albert Travain ta la sô ricercje storiche – da la prime Mitteleurope.
Un percors origjinâl ch’al sgjave insot tal anim di chel om ch’al veve paiât cu la vite il coragjo di frontâ l’invasion da la Republiche di Vignesie, ta la sô elaborazion, tal so madressi e ta lis conseguencis di une sielte, tocjant i temis da l’identitât, da la coerence e da la justizie, intune operazion inedite di trasfigurazion leterarie e teatrâl, di “memorie” vive che e fevele al vuê.

Program Avostanis 2026