Joibe 29 Avost 2024, h 21:00

Ma trop dolce podie jessi la pâs?

La ricete da la Cooperative Insieme di Bratunac, dongje Srebrenica, contade di
Rada Zarkovic adun cun Angelo Floramo
Intervent musicâl di Federico Galvani armoniche

In colaborazion cu la Cooperative Insieme – Frutti di pace

Tal indoman da la teribil vuere ch’e veve metût sot sore lis tieris confinantis da la ex Jugoslavie (1991-1995), un grup di feminis bosniachis e veve decidût di restâ ta lis tieris da lis lôr maris, resistit al Mâl e a la vuere. A vevin capît difats che lis lôr feridis, ben marcadis ta l’anime e tal cuarp a jerin compagnis di chês ch’a vevin patît ancje “chês altris”. Feminis di Bosnie, partant. Nuie altri. Feminis libaris. Buinis di pensâ che vinci la pâs al è cetant plui impuartant che vinci la vuere. L’incuintri tra il scritôr Angelo Floramo e Rada Žarković, pacifiste, fondadore da la cooperative agricule “insiemit” ch’e met dongje intune azion coletive feminis sorevivudis ai gjenocidis, ortodossis e musulmanis, jenfri Bratunac e Srebrenica, aleadis par la coltivazion e vendite di pomis piçulis, moris, frambuis e muruculis e metarà a valôr cetant che “i nestris prodots a àn la dolcece dai nestris siums” come ch’e à ricuardât l’ativiste in cetancj incuintris cui students. Cussì l’autôr di “La breve storie sentimentale dei Balcani”, in dialic cun jê, e darà memorie di memoriis intun viaç in chê part di Europe complicade e stratificade, sepûr tal centri di dut.

Program Avostanis 2024