Lunis 28 Avost 2000, h 20:30

Infin il cidinôr

di Miklos Hubay

Interpretis Maria Grazia Plos, Giuliano Bonanni, Massimo Somaglino
Regjie Massimo Somaglino
Traduzion furlane Federico Rossi

Progjet Colonos in colaborazion cul Comun di San Vît al Tiliment

replichis >> martars 29 >>> miercus 30 di avost, h 20.30

Cun cheste produzion teatrâl al rive insom il lunc percors di une opare dramatiche che Miklos Hubay, il plui impuartant dramaturc ongjarês, al veve concepît ancjemò trente agns indaûr e che, dopo che al veve vût pierdude une prime stesure, al è vignût in Friûl l’an passât par tornâ a scrivile pai Colonos.
Il dram al fronte une cuestion di grande atualitât, parcè che al conte la muart (violente) di un popul e di une lenghe. Une tragjedie che si trasforme intun dram par ducj. L’opare e ven rapresentade pa la prime volte e par di plui, par sielte dal autôr, ta la lenghe di une “minorance” ven a stâi par furlan.
“O ai let che un popul indian, par no lassâ olmis, al cjaminave dome ta l’aghe dai rui. Cussì nancje i cjans no rivavin adore di brincâju. Vincj agns indaûr a jerin ancjemò in cinc. Al è un popul: cinc indians ta l’aghe di un riul. Discolçs. A vevin imparât a comunicâ fra di lôr come i sorts-e-muts. Un grant popul”.
(Infin il cidinôr, Miklos Hubay)

Program Avostanis 2000