Vinars 01 Setembar 2023, h 21:00

Eretic Federico

In ricuart di Federico Tavan

Video documentari (progjet Colonos)
Regjie di Paolo Comuzzi

A introdusin Angelo Floramo e Federico Rossi

☔︎ la sere dopo

Une dediche par ricuardâ un amì fraterni, par tant timp compagn di viaç dai Colonos, che nus à lassâts juste 10 agns indaûr. E reste vive la sô vôs, che e je chê di un poete unic, sincîr, disturbant.
“La flama ‘a ardeva / la flama ‘a ardeva / oh s’a ardeva la tô vous // vous, vous, vous ch’a trapassa la calìga dai dìs / e ‘a fai iessi la mûsa nestra dismenteada // sudant, vaint ‘i tu mi leèvi li tô poesìis / di penc’ font eretic Federico // “l’esser perfetissim al à girât / il cjâf quan ch’i soi nassût jò” // e tu a cigâ il cjô dolour / la to aligria peada, il cjô esilio // sparida dai voi l’eternitât / ch’a s’implinivin di sperancja, dolour // Oh fantàs ch’i vuardait Cana di lontan! // Sì, l’esser perfetissim al é tornât / uman, la tô vous, // nêstra preziosa eresia, Federico”. (poesie di Ida Vallerugo)
Chest gnûf video documentari al presente la testemoneace vive di Federico Tavan come protagonist di diviers progjets di poesie organizâts intal timp ca dai Colonos par cure di Aldo Colonnello, Amedeo Giacomini e Pierluigi Cappello, par sierâsi cun moments di une zornade vivude a Andreis, in companìe di Danilo De Marco.

Program Avostanis 2023