Lunis 28 Avost 2023, h 21:00

Musica picta

Iconografie musicâl tai lûcs sacris dal Friûl
di e cun Alessio Screm

Storiis e videoproiezions cun acompagnament musicâl
Esecuzions a la spinete Rosangela Flotta

☔︎ la sere dopo

A son di alte fature lis testemoneancis che mosaiciscj, pitôrs e scultôrs atîfs in Friûl ch’a àn dedicât a la musiche intun arc di timp ch’al va sù par jù dal I secul p.d.C. ai nestris dîs. Artiscj anonims, locâi e mestris cognossûts come Gianfrancesco da Tolmezzo, Il Pordenone, Pellegrino da San Daniele, Giovanni da Udine, Pomponio Amalteo, Giovanni Battista Tiepolo e fintramai a Renzo Tubaro par dî di cualchidun. A àn riservât ta la lôr produzion une atenzion particolâr a sogjets musicâi sot cetantis declinazions: amorins e agnui musicants in tantis posis e cun difarents struments, senis di bal, paradîs di suns. Di Sauris a Aquilee, di Pordenon a Gurize, passant pai centris principâi dal Friûl storic il musicolic e espert di iconografie musicâl Alessio Screm nus compagne ta la cognossince di un patrimoni ancjemò trascurât ma mertevul di dutis lis atenzions. Cuntun reportage di imagjinis, risulte da lis sôs ricercjis, cun compagnaments musicâi a la spinete di esecuzions storicamentri informadis par cure di Rosangela Flotta, l’incuintri si presente come novitât assolude tal binomi musiche e art figurative.

Program Avostanis 2023