Joibe 17 Avost 2023, h 21:00

Custodi

Film di Marco Rossitti

Presentazion cu la partecipazion dal regjist
A saran presints Luciano Gaudenzio diretôr da la fotografie
e Daniela Pizzarotti prese direte dal sun

☔︎ la sere dopo

Marco Rossitti in chest ultin lavôr al è lât a cirî storiis di custodis, personis scognossudis scuasit di ducj ma cognossudis in chês tieris che lôr a son guardiis fidelis. Dai altiplans da la Cjargne ai Magredis, da lis cimis da lis Dolomitis pordenonesis a la lagune di Maran. Dut il Friûl e altris regjons dal Nord Italie a son stâts il cjamp larc di un scandai interessât a contâ lis vôs di chei che no àn nuie, ma a difindin la tiere. «I luoghi appartengono a chi li “abita”», al spieghe il regjist.“ «Ovvero sono di chi ne ha cura e li sente essenziali alla propria identità. In latino habitare significa “avere abitualmente”. I veri custodi non esibiscono il loro operato”. I incuintris cun Cecilia, Bepo, Egidio, Miriam, Mauro, Konrad, Erika, Gianfranco, Tobia, Xiaolei, Roberto, Matteo, Massimo a fasin capî che si po sei custodis cui sburts e par lis motivazions plui difarentis: par istint, elezion, passion, tradizion, previdence, destin, vocazion, sielte. “Custodi” di Marco Rossitti al à di pôc ricevût il “Premio Dolomiti Patrimonio Mondiale UNESCO” al prestigjôs Trento Film Festival.

Program Avostanis 2023