Sabide 05 Avost 2023, h 21:00

La sacralitât dal uman

Inaugurazion da la mostre

Fotografiis di Elio Ciol e Danilo De Marco
Instalazion video e fotografiis di Debora Vrizzi

Par cure di Angelo Bertani
Idee e coordenament Federico Rossi
Colaborazion Michele Bazzana

Mostre vierte intant dai events di Avostanis + sabide e domenie
fin ai 10 di Setembar / h 19.30-23.00

La mostre e je documentade cuntune publicazion

Trê artiscj furlans da l’imagjine si incuintrin tal sacri, proponint temis e sogjets simpri plui dificii di vualmâ intune societât fûr di misure secolarizade. Mediant di trê formis difarentis di produzion: imagjinis analogjichis, digjitâls e une instalazion video, trê gjenerazions di artiscj si svicinin a ce ch’al è “venerabil” cun stîl e poetiche personâls. Dal dean Elio Ciol e ven propueste une selezion da lis sôs antologjiis furlanis, fra chestis lis fotos di sene dal film “Gli ultimi” di Pandolfi e Turoldo, a confront cun fotografiis fatis a Assisi, clamadis a rapresentâ un Cjant par imagjinis. Dal reporter Danilo De Marco al ven proponût un cicli di scats sul teme mari e fi, nassûts cjapant l’idee di une iconografie milenarie aplicade però ai cjanui tradizionâi e intune maniere dal dut laiche. Da la video-artiste Debora Vrizzi a vegnin presentâts il video “Out of order” e fotografiis dal set dal stes progjet ispirât da lis sugjestions dal libri “Malacarne” di Annacarla Valeriano su lis feminis sieradis tai manicomis da l’Italie fassiste, po slargjât ta l’ambit da la societât patriarcâl e maschiliste.

Program Avostanis 2023