Domenie 02 Fevrâr 2020, h 11:00

Diligite iustitiam qui iudicatis terram

Comunitât, solidarietât e ambient ta lis racueltis antighis dai statûts furlans

Donata Degrassi, cun pre Romano Michelotti

Al presente Federico Rossi

Voltâ lis pagjinis vuê dai antîcs statûts da lis comunitâts furlanis da l’Ete di Mieç, metûts jù tra i secui XIII e XIV, al fâs nassi tal letôr moderni un sens cetant fuart di straniament e di maravee. Lis peraulis di chei legjisladôrs difats a somein atualis in maniere straordenarie par l’atenzion ch’a metin sui principis fondamentâi da la cundivision, intindude tant che element di fonde di un grup dutun e solidâl. Lis rubrichis si preocupin simpri di meti in prin plan i interès dal ben comun. L’amôr par lis categoriis sociâls plui debilis, come i puarets, i uarfins e lis veduis, l’atenzion par l’acet dai forescj, il rispiet pai boscs e pai prats e l’identificazion da lis risorsis calcoladis come dirit inalienabil par ducj, nissun escludût, a fasin a nô, abitants dal tierç mileni, domandis fondamentâls sul sfrutament cence slaifs dal ambient e su l’atenzion distrate ch’o vin par lis dibisugnis di ducj chei che in maniere injuste o calcolìn “chei altris”.

Program In File 2020