Domenie 24 Fevrâr 2019, h 16:30

Il çurviel da la femine (e chel da l’om)

Conference di Franco Fabbro e Barbara Tomasino

Musiche par doi violins eseguide di Martina Orlando e Jin Yuxuan

Cualis sono lis difarencis di gjenar ta la struture e tal funzionament dal çurviel? Il çurviel da lis feminis al è plui atîf di chel dai oms, e lis feminis àno capacitâts miôr dai oms?
Di simpri studiôs di tantis dissiplinis si domandin se feminis e oms a son difarents. Al è un teme di atrat, ma ancje insiliôs: lis metodologjis dopradis no son simpri eterogjieniis, misurâ lis difarencis sessuâls al è complicât e al è impuartant vê misuris fidabilis.
I ricercjadôrs a àn doprât tecnichis ch’a partegnin a lis neurosiencis e a lis siencis cognitivis par testâ se, e in cuâl misure, a esistin difarencis sessuâls relativis al lengaç, a la memorie semantiche, a la abilitât motorie e a la rapresentazion dal spazi, cussì come se lis feminis a son difarentis dai oms ta l’elaborazion dal dolôr, tai mûts di agressivitât e ta lis relazions sociâls. Lis difarencis misuradis no son simpri significativis, si fevele alore di stereotips. Ta la maniere istesse a son stâts fats studis di neuroimaging cerebrâl ch’a àn testât la pussibilitât ch’a esistedin difarencis struturâls e funzionâls tal çurviel di feminis e di oms.

Program In File 2019