Domenie 14 Fevrâr 2016, h 15:00

Pieris ch’a tornin paîs (Visite di Vençon)

Intervent di Remo Cacitti

Visite dal domo cun bons. Roberto Bertossi e piçul concert di organo ta la esecuzion di Daniele Parussini

Visite da la mostre Tiere Motus cun Aldo Di Bernardo

L’identitât di un popul no si fonde dome sul valôr da la lenghe, ma ancje su chei no mancul fondamentâi da la sô culure, ch’a son prime di dut i bens culturâi, storics e artistics. In cheste prospetive il borc da la Ete di Mieç di Vençon al è une zoie di valôr inestimabil, che dopo da la distruzion sismiche al à riscjiât di scomparî par simpri. Par fermâ la violence da lis pacaris che, in zonte di chê dal taramot, e varès provocât la cancelazion dal centri storic insiemit al domo, si jere oponût cun ustinazion e inteligjence un manipul di personis di sintiment compagnadis da la partecipazion popolâr. Intal libri “Le pietre dello scandalo” publicât tal 1980 e ven contade cheste storie straordenarie e al ven documentât il braç di fier fadiôs ch’al è stât metût in vore par rivâ adore di vinci l’incompetence e l’ignorance dai sorestants, l’incapacitât di tancj responsabii, la jungle di une burocrazie che e somee fate di pueste par autoalimentâsi e no par risolvi i problemis.

Program In File 2016