Miercus 04 Setembar 2019, h 15:30

Laboratori viert di traduzion da la poesie

h 15.30 > 19.30

Cu la vuide di Giacomo Vit e la partecipazion di Maria Clara Sharupi Jua

Partecipazion libare, cun prenotazion

h 20,00 – cene (facoltative, 23 euro)

Par l’ocasion da la serade dedicade a la poesie Shuar dai 5 di Setembar, ch’a viodarà come protagoniste Maria Clara Sharupi Jua, si fasarà lì dai Colonos un laboratori propedeutic viert, ch’al à come intindiment chel di capî cualis ch’a son lis pussibilitâts e i pericui dal at di traduzi un test poetic. Ise une operazion impussibil o dome une sfide estreme? E fin a ce pont si puedial voltâ une poesie di une lenghe a di chê altre, cence tradîle, restant fedêi a la sô anime origjinarie? I partecipants si esercitaràn in maniere concrete intune vore coletive di traduzion par furlan di un componiment poetic Shuar, che il so risultât al vignarà condividût cul public ta la serade uficiâl.

Program Avostanis 2019