Martars 27 Avost 2019, h 21:00

“La vita in Friuli” di Valentino Ostermann

Presentazion dal libri in gnove edizion

Intervents di Angelo Floramo, Gianpaolo Gri e Giovanni Santarossa

Introduzion di Alessio Screm

Ai 3 di Avrîl dal 1894, a Belun, Valantin Ostermann al consegnave a Domeni Del Bianco, tipograf e editôr di Udin, la sô opare fondamentâl “La vita in Friuli”. Al veve finît la vore da la sô vite di ricercjadôr e storic, ma nol podeve imagjinâ che chel libri, risulte di fadionis, lu varès consegnât a la storie, e no dome furlane.

Al veve didicât gran part da la sô vite al studi e a la cognossince antropologjiche dai furlans, mediant di ricercjis fatis ancje sul cjamp in ambits difarents – l’archeologjie, la numismatiche, la storie da l’art e il folclôr – publicant libris impuartants, saçs, articui ch’a riguardavin i ûs, i costums, lis crodincis, i proverbis e lis vilotis furlanis e ancje lis tradizion popolârs.

Edizions Biblioteca dell’Immagine e à publicât il test origjinâl cuntune forme grafiche gnove.

Program Avostanis 2019