Sabide 08 Avost 2015, h 21:00

Pituris

Instalazion video di Bruno Beltramini

Inaugurazion

Angelo Bertani e Piero Valle a dialoghin cul autôr

Moment conviviâl e musiche di armoniche cun Franco Giacomuzzi

La mostre e reste vierte ta lis seradis di Avostanis
da lis siet dopomisdì a miezegnot, fin ai 6 di Setembar

Ta lis parêts vieris di une stale e cjape vite, intun ambient svoladi e dibot magjic, une instalazion che e ten in relazion siet cuadris di sugjestion particolâr. “Pituris” al è un lavôr fat di spietis lungjis, di mût di permeti di vualmâ cualchi istant curt di lûs ch’al va a dâ dongje, insieme cui colôrs e cui paisaçs, une secuence di imagjinis che a rimandin a lis stampis gjaponesis. Lis lôr atmosferis sospindudis e indefinidis, intune condizion di imobilitât aparent, si animin mediant dal mudament impercetibil da la lûs o di altris elements naturâi, fasint vivi situazions intun moviment lizêr e perpetui.

Program Avostanis 2015