Joibe 06 Avost 2015, h 21:00

Amôrs

Progjet e musichis Renato Miani su poesiis di Pierluigi Cappello

Elsa Martin vôs, Matteo Andri piano

Presentazion Cristina Cescutti

Repliche

Sabide ai 8 di avost, Scluse (Chiusaforte)

Progjet sostignût da la Provincie di Udin, in colaborazion cul Comun di Scluse

“Amôrs” al è il progjet artistic gnûf ideât e diret dal musicist Renato Miani, un dai plui ispirâts composidôrs contemporanis, ch’al à vût ricognossiments impuartants in concors nazionâi e internazionâi e che lis sôs composizions a son stadis trasmetudis da la Rai, e ancje di altris televisions forestis. In chest recital musicâl par vôs e piano, che a àn vût part ancje doi zovins interprets furlans di alt nivel, e ven proponude par intîr dute la racuelte di lirichis par furlan che Cappello al à scrit tai agns Novante. Ta lis tredis canzons si misclicin fonts difarentis di ispirazion, tra “sacri e profan”, da la musiche lizere a la lideristiche todescje, cence lassâ di bande cualchi sfumadure jazzistiche. Lis composizions a nassin di un moviment/traspuart spontani dai sun rivocâts dai tescj poetics istès che a permetin al autôr di creâ un mont di sun particolarmentri siôr di sugjestions e articolât musicalmentri.

Program Avostanis 2015