Miercus 14 Avost 2024, h 21:00

40 agns sunâts!

Il miôr da la Microband
cun Luca Domenicali e Danilo Maggio
Concert-spetacul cun sorpresis

☂ la sere dopo

Microband, in dì di vuê Luca Domenicali e Danilo Maggio, e fâs 40 agns e Avostanis i fâs fieste come ch’e veve fat in ocasion di altris compleans impuartants.
La storie di cheste piçule compagnie di teatri e je pardabon curiose e il Friûl i riserve un rodul impuartant: Luca e Danilo si cognossin di fruts a Udin, si pierdin di viste, ma si cjatin students a Bologne. Di li e partìs une cariere artistiche che, ancje mediant di incuintris furtunâts come chei cun Renzo Arbore, Pupi Avati e Natalino Balasso, ju à puartâts a deventâ tra i plui preseâts protagoniscj dal teatri comic musicâl a nivel internazionâl. Dal 1984 a vuê a son stâts invidâts tai plui prestigjôs festival internazionâi, di Edinburc a Cannes, di Tokio a Osaka, a Baku, a Barcelone, e nol mancje di sigûr il Friûl.
Par la fieste dai 40 agns, cun fuarce volude dai Colonos (e je dal 1992 la lôr prime incursion a Vilecjasse), Microband a fasarà cetantis divertentis sorpresis e cualchi partecipazion straordenarie.

Program Avostanis 2024