Lunis 19 Avost 2002, h 20:30

“Tanche giaiutis”

Presentazion gjenerâl dal progjet “Tanche giaiutis” in tre seradis
Leture no conformiste da la poesie furlane dal Nûfcent

Progjet par cure di Amedeo Giacomini
Musichis di Armando Battiston
Regjie di Massimo Somaglino

“Tanche giaiutis” al è un progjet culturâl che in forme organiche al intint fâ un belanç da la poesie furlane dal 900 e al è struturât in plui moments:
• trê seradis di Avostanis dulà che Amedeo Giacomini al presente nûf poetis furlans, che a lein i lôr tescj par furlan e tai dialets di confin, compagnâts da la intepretazion musicâl di Armando Battiston, un dai plui vîfs rapresentants da lis gnovis ricercjis sul jazz.
• la publicazion e presentazion uficiâl cun Franco Loi di un libri-cd (il tierç da la golane “notis” editade dai Colonos) che al cjaparà dentri la leture critiche di Giacomini da la poesie furlane dal ‘900 ta lis sôs manifestazions lenghistichis plui impuartantis, cuntun percors che al va dai esits formâi e soredut di contignût dal passât fintremai a la novitât di Pier Paolo Pasolini e ai esponents dal dì di vuê.
• un cicli di trasmissions radiofonichis da la Rai regjonâl dal Friûl-Vignesie Julie cul materiâl registrât inta lis seradis di poesie.

 

> “Tanche giaiutis” 1/3
cun Federico Tavan, Ivan Crico e Flavio Santi

Compagnament musicâl dal Trio Jazz cun Armando Battiston _pianoforte e orghin Hammond, Mauro Zavagno_liron, Giorgio Zanier_batarie
Presentazion di Amedeo Giacomini
Musichis di Armando Battiston
Regjie di Massimo Somaglino

A taule cui poetis: degustazion di “pitina” e “formai tal cit” ufierte da la Pro Loco di Tramons di Sore

Program Avostanis 2002