Lunis 27 Avost 2012, h 21:00

Sclopetadis in trê riis

Spetacul e premiazion dal concors per un romanç in trê riis

Cun Claudia Grimaz, Massimo Somaglino, Carlo Tolazzi, Nicoletta Oscuro, Paolo Cecere e altris

Musiche cui Dodi e Monodi + Frizzi Comini Tonazzi

Presentazion dal gnûf CD “Sclopetadis” (progjet Colonos)

La premizazion da la tierce edizion dal concors inmaneât da l’Associazion culturâl Colonos pal miôr “romanç in trê riis, par furlan, cuntune lungjece massime di 180 batudis, si le fasarà tal ambit di un spetacul legri e gaiarôs. Narative e comicitât si daran la man daûr il “nuie di masse”. Sul palc “sclopetadis” scjassosis dal morbin furlan a fasaran di suaze ai finaliscj dal premi leterari plui sintetic dal mont; uchì, si savarà finalmentri il non dal furtunât vincidôr. Musiche dal vîf, ma vive pardabon! E nol baste. Canzons e sclopetadis a saran i ingredients dal gnûf fantasmagoric cd ch’al vignarà presentât vie par la serade.

Program Avostanis 2012