Vinars 06 Jugn 2025, h 21:00

Resistence ecoculturâl midant di une lenghe sivilade

Marta Cuscunà in dialic cu l’antropolighe Giustina Selvelli
Al introdûs Federico Rossi

Ai Colonos, Vilecjasse di Lestize

Incuintri dedicât al Silbo gomero al è il lengaç sivilât che si dopre di simpri ta l’isule di La Gomera, tal arcipelac da lis Canariis, cul intindiment di comunicâ tis lungjis distancis. Intant da la serade Marta Cuscunà Marta Cuscunà, autore e perfomer di teatri visuâl preseade a nivel internazionâl, e sarà in dialic cun Giustina Selvelli, antropolighe e etnolenghiste da l’Universitât Ca’ Foscari di Vignesie, par inestigâ chest lengaç complès, ch’al permet di scambiâ une schirie di messaçs, riprodusint, midiant da lis siviladis, lis carateristichis sonoris di une lenghe cjacarade. Tai agns Otante dal secul stât, il svilup da lis stradis e dai telefons al à puartât chest lengaç a riscjio di sparî.
Al Silbo gomero Marta Cuscunà e à dedicât une performance site-specific intitulade Bucolica. Paesaggio con fischiatori, pecore e umani che il copion al è publicât pa la prime volte tal gnûf volum Sguardi di specie. Una trilogia ecofemminista. Il libri al è une trilogjie dramaturgjiche insiorade di saçs e narazions no antropocentrichis ch’a pandin visions politichis gnovis par progjetâ il doman cuntun voli multispecie. Jenfri chescj, il contribût di Giustina Selvelli, che di agns incà e dediche la sô ricercje a la resistence ecoculturâl da lis minorancis etnichis.
Cheste presentazion dal libri e je une ocasion par jentrâ ta la produzion artistiche di Marta Cuscunà a traviers da la storie plui-che-umane dal Silbo gomero.

I Events 2025