Martars 22 Avost 2017, h 21:00

Provis viertis di culture furlane

Cun Assam Bambore e Daniel Samba – Paolo Comuzzi e Sabrina Tonutti – Serena Di Blasio e Matteo Oleotto – Mauro Pascolini e Salvatore Amaduzzi – Gianni Santarossa

Cjants Vocinconsuete Trio
Chiara de Santi vôs, güiro e zugatui sonôrs – Annalisa Ponton, vôs xilofon e ocarine – Elisa Ulian vôs, armoniche e tambûrs

Idee e presentazion Federico Rossi

In colaborazion cun
ARLeF – Agjenzie Regjonâl pe Lenghe Furlane,
presinte ancje cuntun bancut informatîf.

Masse dispès l’identitât e ven sintude dome come la risulte di un procès di memorie storiche, cuant che invezit e à ancje di respirâ, interagjî e messedâsi cul mont e la vite di vuê. Il mosaic di “Provis viertis di culture furlane” al marche un altri aspiet ancjemò: la dimension progjetuâl, fatôr vitâl par che il sens di partignince identitarie al sedi viert al doman.

In cheste serade si bute un voli di prospetive sul Friûl considerât tal so aspiet di laboratori di ideis gnovis, di creativitât, di ricercjis e sperimentazions, dal jessi in divignî, dal pont di osservazion da la capacitât di elaborazion culturâl e inovazion artistiche.

Un progjet antropologjic ta lis periferiis dal nestri teritori. Une gnove edizion di “I senzastoria” di Tito Maniacco. Il Cantîr Friûl da l’Universitât di Udin. Il gnûf carton animât internazionâl “Âf blu”. Il Friûl di doman, mission (im)pussibile.

Program Avostanis 2017