Vinars 09 Fevrâr 2007, h 20:30

Plui che reâl, virtuâl

di Marotta & Russo
Par cure di Angelo Bertani

Presentazion da la mostre
Incuintri cui artiscj e incursions sonoris di Teho Teardo

Sino ancjemò sigûrs di vivi intun mont reâl?
La domande e devente ogni di che al passe plui pressante. La concezion ingienue da la realtât tant che robe concrete e tangjibil evidentementri e criche in maniere pericolose, no sta sù plui (se mai e à vût stât sù).
Ormai si scuen dâur altris formis convincentis a lis dimensions che o vivin, plui adatis a la dilatazion continue dal presint.
Stefano Marotta & Roberto Russo a fasin sù gnovis architeturis coloradis cun formis buridis fûr su Internet, viazant pai miârs di stradis da la rêt.
I elements costitutifs di chestis lôr costruzions a son struturis virtuâls creadis cun intindiments comunicatifs, ma aromai disvuedadis dai lôr contignûts comunicatifs.
M&R a metin dongje creativementri i modui di internet, cjapant sù e lavorant chei materiâi di risultum par dâ dongje gnovis citâts, gnufs monts: plui umans, lôr a disin, anzit fintramai umanistics. Invezit Teho Teardo, musicist, compositôr e sound designer, al fâs sù gnûfs paisaçs midiant dai suns. I materiâi grês salacôr ju tire dongje da la realtât, ma po ju processe, ju elabore cu lis sôs machinis eletronichis, ju fâs deventâ altri.
Dut câs no ur gjave il calôr sogjetif da la origjin, il valôr poetic sotvie.
Anzit, ancje la sô e je une operazion di ricualificazion, di riscat: da la condizion slichignose, da la percezion distrate viers une forme di atenzion gnove e alte, che biel a pueste o clamin art.

Program In File 2007