Lunis 29 Avost 2011, h 20:30

Piermario on air

Event multilivel

par cure di Emanuela Biancuzzi e Gabriella Cecotti
cu la partecipazion di Carlo Branzaglia

Testemoneance di Mario Turello
Instalazion di Giorgio Conti
Performance di Lorena Matic
Assistence tecniche e informatiche di Cristian Virgili

Cui isal cui? Tropis personis reâls o virtuâls stano covadis dentri ognun di nô? Un nissun centmil?

Cu la colaborazion dal comun di Bertiûl e dal PIC – Progjet Integrât Culture dal Friûl di Mieç

Une serade interative, straordenarie, al limit jenfri la telematiche e la telepatiche, che al intint ufrî un spazi di riflession e di dialic dulà che si podarà sperimentâ, in timp reâl, lis diviersis cuestions leadis al lengaç, a la realtât virtuâl e al procès di costruzion da l’identitât, disvelant prospetivis insolitis.

Postazions multimediâls a permetaran al public di jentrâ in rapuart e in rapuarts gnûfs cun personalitâts diviersis e cun aspiets difarents da la personalitât multiple, ibride e creative di Piermario Ciani, artist singolâr e poliedric, che i ven dedicât chest secont apuntament.

Program Avostanis 2011